-ពលរដ្ឋអះអាងថា​មាន​កុ​ងត្រូ​លខុ​ស​ច្បា​ប់នៅ​ខេត្ត​បន្ទាយ​មានជ័យ

ព័ត៌មានថ្មីៗ 16:10:37, 10 October 2009

ប្រជាពលរដ្ឋរស់នៅក្នុងខេត្តបន្ទាយមានជ័យនិយាយថា ពួកគាត់កំពុងតែជួបប្រទះនូវការធ្វើ
បាបដោយមន្រ្តីប៉ូលិស មន្រ្តីរដ្ឋបាលព្រៃឈើ និងក្រុមសមត្ថកិច្ចដទៃទៀត ដែលបានដាក់
ចំណុចកុងត្រូលខុសច្បាប់នៅក្នុងតំបន់ ដើម្បីគាបទារប្រាក់ពីប្រជាពលរដ្ឋ។

ពលរដ្ឋម្នាក់ក្នុងស្រុកថ្មពួក និយាយថា មានចំណុចកុងត្រូលខុសច្បាប់យ៉ាងតិច៩កន្លែងនៅ
ជិតផ្ទះរបស់ខ្លួន។

ការសែតភ្នំពេញប៉ុស្តិ៍រាយការណ៍ថា មានពលរដ្ឋម្នាក់ទៀត អះអាងថា ប៉ូលិបានទារប្រាក់ចំនួន
៤៧៩ដុលា្លរអាម៉េរិក ដោយសារតែគាត់កំពុងតែដឹកឈើតាមដងផ្លូវមួយក្នុងខេត្តបន្ទាយមានជ័យ
ដើម្បីយកទៅធ្វើផ្ទះ។

អភិបាលរងស្រុកថ្មពួក លោក ហំ សំអាង បានបដិសេធការអះអាងរបស់ប្រជាពលរដ្ឋ ដោយលោកបានថ្លែងថាពាក្យចាមរ៉ាមអំពីចំណុចត្រួតពិនិត្យខុសច្បាប់នេះ គឺគ្មានភស្ដុតាងទេ។

នាយករដ្ឋមន្រ្តីកម្ពុជា លោកហ៊ុន សែន ធ្លាប់បានចោទប្រកាន់ក្រុមមន្រ្តីធ្វើការនៅតាមចំណុច​ឆែកឆេរនៅខែ្សជួរមុខតាមបណ្ដោយព្រែនខ្មែរ-ថៃ ថាបានគាបសង្កត់ទារប្រាក់ដោយខុសច្បាប់​
ពីប្រជាជនដែលឆ្លងព្រំដែន៕