ស្រង់ចេញពីCambodia online
លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេស បានធ្វើការព្រមានទុកជាមុនថាប្រសិនបើមានការ ផ្តន្ទាទោសលោក សម រង្ស៊ី ទាំងនៅប្រទេសបារាំង និងទាំងនៅប្រទេសខ្មែរ នោះកុំនិយាយថា ( ប៉ះពាល់ ) សិទ្ធិបញ្ចេញមតិ។ រឿងក្តីប្តឹងលោកសមរង្ស៊ី ខុសគ្នា។ រឿងនេះ មិនមែនបរិហាកេរ្តិ៍ទេតែវាជាការចោទប្រកាន់យ៉ាងធ្ងន់ធ្ងរមកលើរូបលោក ( ឧបនាយករដ្ឋមន្ត្រី ហោ ណាំហុង ) ថាជាឧក្រិដ្ឋក។
ការលើកឡើងរបស់លោកប្រមុខការទូតកម្ពុជាយ៉ាងដូច្នេះ បានធ្វើឡើងតបនឹងសំណួររបស់អ្នកកាសែតទាក់ទងនឹងពាក្យបណ្តឹងប្រឆាំងលោកសមរង្ស៊ី ដែលកំពុងស្ថិតក្នុងដៃតុលាការឧទ្ធរណ៍ប្រទេសបារាំង។
នោះគឺរឿងក្តីបរិហារកេរ្តិ៍ ដោយសារតែការសរសេរក្នុងសៀវភៅ ឫសចាក់ក្នុងថ្មរបស់លោក សម រង្ស៊ី។ សៀវភៅជាភាសាបារាំងមានចំណុចមួយលើកឡើងដោយមិនចេញឈ្មោះថាលោកឧបនាយករដ្ឋមន្ត្រី ហោ ណាំហុង មានជាប់ពាក់ព័ន្ធនឹងមេដឹកនាំខ្មែរក្រហម ដោយកាលណោះលោករដ្ឋមន្ត្រីការបរទេស ហោ ណាំហុង ធ្លាប់ធ្វើជាមេគុកបឹងត្របែក។
ក្នុងរឿងក្តីនោះត្រូវបានតុលាការដំបូងរបស់ប្រទេសបារាំង កាលពីដើមឆ្នាំ២០០៩ បានសម្រេចឲ្យលោក សម រង្ស៊ី ចាញ់ក្តីលោកឧបនាយករដ្ឋមន្ត្រី ហោ ណាំហុង ហើយបង្គាប់ឲ្យលោក សម រង្ស៊ី និងអ្នកបោះពុម្ពសៀភៅនោះសងជម្ងឺចិត្តចំនួន១ អឺរ៉ូ ស្មើប្រមាណ ១,៤ ដុល្លារអាមេរិក។
ក៏ប៉ុន្តែរឿងក្តីរវាងអ្នកនយោបាយខ្មែរខាងលើត្រូវបានពន្យារពេលនៅតុលាការសាលាឧទ្ធរណ៍ប្រទេសបារាំង កាលពីថ្ងៃទី ៨ តុលា ឆ្នាំ២០០៩ ដោយសារតែមានការស្នើសុំពីភាគីលោកសមរង្ស៊ី។ លោក សម រង្ស៊ី បានអះអាងមុនចេញដំណើរទៅប្រទេសបារាំង កាលពីចុងខែកញ្ញាថាលោកមានភស្តុតាងថ្មីៗជាច្រើនដែលអាចឲ្យតុលាការប្រទេសបារាំងកែប្រែសេចក្តីសម្រេចរបស់ខ្លួនឡើងវិញ។
ទោះជាយ៉ាងណាចំពោះមុខក្រុមអ្នកកាសែត កាលពីព្រឹកថ្ងៃសៅរ៍ ទី១៧ តុលា ឆ្នាំ២០០៩ ក្នុងសន្និសីទពីលទ្ធផលនៃដំណើរទស្សនកិច្ចរបស់សម្តេចនាយករដ្ឋមន្ត្រី ហ៊ុន សែន មកពីប្រទេសចិន លោកឧបនាយករដ្ឋមន្ត្រី ហោ ណាំហុង បានអះអាងដោយម៉ឹងម៉ាត់ និងបញ្ជាក់ម្តងហើយម្តងទៀតថា ភស្ថុតាងហ្នឹង លោកអត់រវល់ប៉ុនសរសៃសក់ទេ ដោយសារវាអត់មាន។ ចំណែកការពន្យារពេលសវនាការនៅតុលាការឧទ្ធរណ៍ប្រទេសបារាំង (កាលពីថ្ងៃទី៨ តុលា ) ដោយសារតែលោក សម រង្ស៊ី ស្នើសុំលើកដោយយកសំបុត្រពេទ្យក្លែងក្លាយដែលគាត់ឈឺធ្ងន់។ នេះបង្ហាញឲ្យឃើញថាគាត់មានការខ្លាច។
ជាមួយនឹងការលើកឡើងដូច្នេះលោកឧបនាយករដ្ឋមន្ត្រី ហោ ណាំហុង បានបញ្ជាក់ដោយព្រមានថា អ្នកកាសែត និងអង្គការក្រៅរដ្ឋាភិបាលខាងសិទ្ធិមនុស្ស កុំនិយាយពីរឿងសិទ្ធិបញ្ចេញមតិ បើតុលាការផ្តន្ទាទោសលោកសមរង្ស៊ី ហើយរឿងនេះ ក៏មិនមែនជាការបរិហារកេរ្តិ៍ មួលបង្កាច់ឡើយ តែជាការចោទប្រកាន់លោកយ៉ាងធ្ងន់ធ្ងរបំផុត។
ទោះជាយ៉ាងណាលោក សម រង្ស៊ី បានប្រាប់អ្នកកាសែត នៅព្រលប់ថ្ងៃសៅរ៍ ទី ១៧ តុលាថារឿងក្តីរបស់លោក ជាមួយលោកឧបនាយករដ្ឋមន្ត្រី ហោ ណាំហុង នៅប្រទេសបារាំង ជារឿងតូចតាច ដែលតុលាការប្រទេសបារាំង ផ្តោតសំខាន់លើអត្តន័យក្នុងសៀវភៅរបស់លោកតែ ៣បន្ទាត់។ សៀវភៅ បានលើកឡើងដោយមិនចេញឈ្មោះថាមានរដ្ឋមន្ត្រីមួយចំនួនក្នុងរដ្ឋាភិបាលកម្ពុជាបច្ចុប្បន្ន ធ្លាប់បានសហការជាមួយរបបខ្មែរក្រហម និងបានធ្វើឲ្យពលរដ្ឋខ្មែររងគ្រោះជាច្រើន ក្នុងនោះ ក៏មានរាជវង្សានុវង្សផងដែរ ៕នយោបាយផ្សេងទៀត
អង្គសភាអនុម័តច្បាប់ស្តីពីកិច្ចព្រមព្រៀងវិនិយោគពាណិជ្ជកម្មជាមួយ អាស៊ាន-ចិន-កូរ៉េ និងជប៉ុន(ថ្ងៃទី19 តុលា 2009)
លោកឧបនាយករដ្ឋមន្ត្រី: បើតុលាការផ្តន្ទាទោសលោក សម រង្ស៊ី មិនប៉ះពាល់ដល់សិទ្ធិបញ្ចេញមតិទេ(ថ្ងៃទី17 តុលា 2009)
កម្ពុជាបានជំនួយពីចិនជាថ្មីចំនួនជិត ១.០០០ លានដុល្លារ(ថ្ងៃទី 17 តុលា 2009)
ឩបនាយករដ្ឋមន្ត្រីៈ នាយករដ្ឋមន្ត្រីកម្ពុជាអាចលើកជម្លោះព្រំដែននៅចំពោះមុខអាស៊ាន(ថ្ងៃទី 17 តុលា 2009)
អាចមានជំនួបទ្វេភាគីកម្ពុជាថៃ ក្រៅពីកិច្ចប្រជុំអាស៊ាន(ថ្ងៃទី 17 តុលា 2009)
មេដឹកនាំចិនទូលសម្តេចឪថា ចិននឹងបន្តជួយកម្ពុជា (ថ្ងៃទី 16 តុលា 2009)
ព្រេមគំរាម ឆាវ៉ា លីតថា ក្បត់ជាតិបើចូលគណបក្សភឿថៃ(ថ្ងៃទី 16 តុលា 2009)
អារ៉ាប់រួមអេមីរ៉ាត ថា បានត្រៀមខ្លួនរួចជាស្រេចវិនិយោគលើវិស័យកសិកម្មម្ពុជា(ថ្ងៃទី 15 តុលា 2009)
នាយករដ្ឋមន្ត្រីយល់ស្របឲ្យកែសម្រួលផ្លូវទឹក តាមផ្លូវជាតិលេខ៦ និងនៅសៀមរាប (ថ្ងៃទី 15 តុលា 2009)
តំណាងរាស្ត្រ មូរ សុខហួរ សម្រេចបញ្ចប់រឿងក្តីប្តឹងសម្តេចតេជោ (ថ្ងៃទី 15 តុលា 2009)
ដំណឹងដែលទាក់ទង
No Data
Subscribe to:
Post Comments (Atom)
No comments:
Post a Comment