សហចៅក្រមស៊ើបអង្កេតអន្តរជាតិរបស់តុលាការខ្មែរក្រហមលោក ម៉ាកសែល ឡឺម៉ុង (Marcel Lemonde) បានកោះហៅសាកសួរមន្រ្តីជាន់ខ្ពស់រដ្ឋាភិបាល ថ្នាក់ដឹកនាំរដ្ឋសភា និងព្រឹទ្ធសភាក្នុងនាមជាសាក្សី នៅក្នុងសំណុំរឿង០០២។ លោកនាយករដ្ឋមន្ត្រី ហ៊ុន សែន បានធ្វើការអត្ថាធិប្បាយបឋមថា តុលាការខ្មែរក្រហមហាក់កំពុងទាញយកដើមបណ្តឹងទៅធ្វើជាសាក្សី។ាភិបាលខ្មែរលោកហ៊ុន សែនមិនបានយឺតយ៉ាវក្នុងការធ្វើអត្ថាធិប្បាយឡើយ នៅពេលដែលសមាជិកជាន់ខ្ពស់របស់រដ្ឋាភិបាល និងជាពិសេស រួមមានទាំងថ្នាក់ដឹកនាំកំពូលរបស់គណបក្សប្រជាជនកម្ពុជារបស់លោក ត្រូវតុលាការខ្មែរក្រហមកោះហៅសាកសួរ។ គឺជាការកោះហៅសាកសួរ ដើម្បីស្តាប់ចម្លើយក្នុងនាមជាសាក្សីនៅក្នុងសំណុំរឿង០០២។ ពោលគឺនៅក្នុងក្របខ័ណ្ឌនៃកិច្ចស៊ើបសួរដែលកំពុងដំណើរការប្រឆាំងនឹងនួន ជា អៀង សារី ខៀវ សំផន និងជនដទៃទៀត។
តាមរយៈឯកសារចុះថ្ងៃទី២៥កញ្ញា សហចៅក្រមស៊ើបអង្កេតអន្តរជាតិលោក ម៉ាកសែល ឡឺម៉ុង (Marcel បានអញ្ជើញមន្ត្រីជាន់ខ្ពស់រដ្ឋាភិបាល និងថ្នាក់ដឹកនាំព្រឹទ្ធសភាទាំងអស់៦រូបអោយមកផ្តល់ចម្លើយក្នុងសំណុំរឿង០០២ក្នុងឋានៈជាសាក្សី។ អ្នកទាំង៦រូបនោះរួមមាន លោក ជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា លោក ហេង សំរិន ប្រធានរដ្ឋសភា និងជាប្រធានកិត្តិយសគណបក្សប្រជាជនកម្ពុជា លោក គាត ឈន់ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច លោក ហោ ណាំហុង ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និង លោក ស៊ីម កា លោក អ៊ុក ប៊ុនឈឿនជាសមាជិកព្រឹទ្ធសភា។
នៅព្រឹកថ្ងៃព្រហស្បតិ៍នេះ លោកនាយករដ្ឋមន្ត្រី ហ៊ុន សែន មិនបានបញ្ចេញប្រតិកម្មខ្លាំងក្លាឡើយ តែវាគ្រាន់តែជាការចាប់អារម្មណ៍ដំបូងរបស់លោកតែប៉ុណ្ណោះ។ លោកនាយករដ្ឋមន្ត្រីខ្មែរបានចាត់ទុកការកោះហៅរបស់តុលាការខ្មែរក្រហមទៅលើមនុស្សទាំង៦រូបនេះ គឺជាការប្រែក្លាយដើមចោទទៅជាសាក្សី ដែលការនេះនឹងរឹតតែធ្វើអោយចុងចោទទទួលបន្ទុកកាន់តែធ្ងន់។ លោក ហ៊ុន សែន បានចាត់ទុកអ្នកទាំង៦នាក់នេះ គឺជាអ្នកធ្លាប់ផ្តួលរំលំរបបប៉ុលពត ហើយក៏ជាអ្នកចូលរួមអនុម័តច្បាប់កាត់ទោសមេដឹកនាំ និងអ្នកទទួលខុសត្រូវជាន់ខ្ពស់របបខ្មែរក្រហមផងដែរ។ ប៉ុន្តែទោះយ៉ាងណាក៏ដោយ សំរាប់លោកនាយករដ្ឋមន្ត្រី ទាំងនេះគឺជានីតិវិធីរបស់តុលាការ។
គួរបញ្ជាក់ថា នៅក្នុងឯកសារកោះអញ្ជើញថ្នាក់ដឹកនាំទាំង៦រូបនេះមកផ្តល់ចម្លើយនៅក្នុងសំណុំរឿង០០២នេះ គេឃើញមានតែហត្ថលេខារបស់សហចៅក្រមស៊ើបអង្កេតបរទេសតែម្នាក់ប៉ុណ្ណោះ។ គ្មានទេហត្ថលេខារបស់សហចៅក្រមស៊ើបអង្កេតកម្ពុជាលោក យូ ប៊ុនឡេង៕
Sunday, October 18, 2009
Subscribe to:
Post Comments (Atom)
No comments:
Post a Comment