តុលាការសាលាឧទ្ធរណ៍ បានសម្រេចបើកសវនាការជំនុំជម្រះលើសំណុំរឿងបរិហារកេរ្តិ៍ លោកនាយករដ្ឋមន្ត្រី ហ៊ុន សែន នៅថ្ងៃទី២៨តុលាខាងមុខ។ លោកស្រី មូរ សុខហួរ ដែលជាប់ចោទក្នុងរឿងបរិហារកេរ្តិ៍លោក ហ៊ុន សែន នឹងនៅតែមិនមានមេធាវីតំណាងឡើយ។
ាកោះហៅរបស់តុលាការសាលាឧទ្ធរណ៍ផ្ញើជូនលោកស្រី មូរ សុខហួរ ដែលបានចែកផ្សាយនៅថ្ងៃសុក្រនេះ បានតម្រូវឲ្យសមាជិកសភាមណ្ឌលខេត្តកំពត និងជាអគ្គលេខាធិការរងគណបក្សសមរង្ស៊ី លោកស្រី មូរ សុខហួរ ចូលទៅកាន់សាលាឧទ្ធរណ៍នៅព្រឹកម៉ោង ៨ ថ្ងៃទី២៨ តុលាខាងមុខ ដើម្បីចូលរួមសវនាការក្នុងរឿងបរិហារកេរ្តិ៍។
សវនាការ ដែលលោកស្រី មូរ សុខហួរ អះអាងថា សាលាឧទ្ធរណ៍បើកការជំនុំជម្រះលើសំណុំរឿងក្តី ដែលលោកស្រីបានប្តឹងជំទាស់នឹងរឿងចាញ់ក្តីលោកនាយករដ្ឋមន្ត្រី ហ៊ុន សែន កាលពីថ្ងៃទី៤សីហា ឆ្នាំ២០០៩។ កាលណោះ ចៅក្រមតុលាការក្រុងភ្នំពេញ បានសម្រេចឲ្យលោកស្រី មូរ សុខហួរ បង់ពិន័យជាប្រាក់សរុបចំនួន ១៦,៥ លានរៀល ស្មើប្រមាណជាង ៤ពាន់ដុល្លារ។
ចេញពីអង្គប្រជុំរដ្ឋសភានៅព្រឹកមិញ លោកស្រី មូរ សុខហួរ បានសង្ឃឹមថា តុលាការសាលាឧទ្ធរណ៍នឹងពិចារណាឡើងវិញនូវហេតុផល និងធាតុផ្សំ ដែលនាំឲ្យប៉ះពាល់ដល់កិត្តិយសរបស់លោកស្រី ក្នុងសំណុំរឿងបរិហារកេរ្តិ៍ រវាងលោកស្រី និងលោកប្រមុខរដ្ឋាភិបាល។
ទោះជាយ៉ាងណា លោកស្រី មូរ សុខហួរ នៅតែប្រកាន់ជំហរថា លោកស្រីជាជនរងគ្រោះ ក្នុងសំណុំរឿងបរិហារកេរ្តិ៍។ រឿងបរិហារកេរ្តិ៍ ដែលលោកស្រី មូរ សុខហួរ ចាប់កំហុស ដោយសារតែការថ្លែងទិតៀនរបស់លោកប្រមុខរដ្ឋាភិបាល ហ៊ុន សែន នៅខេត្តកំពត សំដៅលើស្ត្រីម្នាក់ ដោយមិនចេញឈ្មោះ កាលពីថ្ងៃទី៤ ខែមេសា។
ភ្លាមៗលោកស្រី មូរ សុខហួរ ប្រកាសក្នុងសន្និសីទកាសែត អំពីបំណងដាក់ពាក្យប្តឹងចោទប្រកាន់លោកនាយករដ្ឋមន្ត្រី ហ៊ុន សែន ពីបទបរិហារកេរ្តិ៍លោកស្រី។ ក៏ប៉ុន្តែសេចក្តីប្រកាសរបស់អតីតរដ្ឋមន្ត្រីក្រសួងកិច្ចការនារីរូបនេះ ត្រូវបានមេធាវីរបស់លោកនាយករដ្ឋមន្ត្រី ប្តឹងបកពីបទបរិហារកេរ្តិ៍ដូចគ្នា៕
Subscribe to:
Post Comments (Atom)
No comments:
Post a Comment