ដោយ ហាស់ សាន
2009-10-01
នៅថ្ងៃ៣០ កញ្ញា គណបក្សសមរង្ស៊ីចេញសេចក្តីថ្លែងការណ៍មួយដែលថា គេផ្តើមចាប់ពីថ្ងៃទី១ តុលានេះទៅ ដើម្បីព្យាយាមរកមធ្យោបាយការពារសេរីភាពបញ្ចេញមតិ ដោយចូលរួមជជែកវែកញែកក្នុងរដ្ឋសភាលើសេចក្តីព្រាងច្បាប់ក្រមព្រហ្មទណ្ឌ ដាក់ជូនពិនិត្យដោយទីស្តីការគណៈរដ្ឋមន្រ្តី។
គណបក្សជំទាស់នេះស្នើឲ្យដកចេញនូវមាត្រាណាដែលទាក់ទងនឹងរឿងបរិហារកេរ្តិ៍និងរឿងនិយាយបញ្ឈឺផ្សេងៗពីសេចក្តីព្រាងច្បាប់នោះ។
គណបក្សសមរង្ស៊ី សំអាងថា រឿងធំៗដែលមិនទាន់ដោះស្រាយចេញដូចជារឿងភាពក្រីក្រ អកម្មភាព មនុស្សអត់ការធ្វើ ទំនាស់ដីធ្លី អំពើពុករលួយជាដើម មិនអាចបោះជំហានទៅមុខបានទេ បើអ្នកធ្វើច្បាប់ ក្រុមសង្គមស៊ីវិល អ្នកសារព័ត៌មាន សហជីព និងប្រជាពលរដ្ឋតូចតាច មិនអាចចូលរួមបញ្ចេញយោបល់បាននោះ៕
Subscribe to:
Post Comments (Atom)
No comments:
Post a Comment